Në Kifisi ka ndodhur “vjedhja e shekullit”: kriminelët kanë nxjerrë nga dyqani sende me vlerë mbi 1.000.000 euro me metodën rififi.
Siç u bë e ditur, të dielën më 11/06, një dyqan monedhash të rralla në lagjen veriore të Athinës, Kifissia, u bë objekt i grabitësve. Ndërhyrësit, pasi kanë fikur sistemin e alarmit, kanë hyrë në ambiente nga garazhi nëntokësor, pasi kanë bërë një vrimë në mur (metoda riffi). Kur arritën në objektiv, gjetën kasafortën, e hapën dhe morën monedhat dhe paratë.
Sipas pronarit,brenda kasafortës ndodheshin monedha, vlera e të cilave varion nga 800.000 deri në 1.500.000 euro.. Megjithatë, ka pasur edhe ekzemplarë shumë të rrallë, vlerësimi i të cilave nuk është bërë.
Kriminelët kishin informacion të plotë, pasi kishin me vete mjete për të hapur kasafortën. Depërtimi është zbuluar nga punonjësit e dyqanit mëngjesin e së hënës, 12/06, të cilët kanë lajmëruar policinë.
Fqinjët dëshmuan se “ata vunë re një lëvizje të dielën në mbrëmje”. Ata thanë se ishin tre autorë. Një ekip policie ndodhet në vendngjarje duke mbledhur ADN-në dhe gjurmët e gishtërinjve. Në të njëjtën kohë po monitorohen edhe pamjet e kamerave të sigurisë. Policia është në kërkim të një automjeti që dyshohet se ka lidhje me rastin.
More Stories
Santorini: Arrestohet një grua e huaj 33-vjeçare për shërbime të paligjshme seksi
Arrestohet 53-vjeçarja e huaj Bandera për një magazinë të tërë armësh
Vrasja në Menidi: “Që dje vendosa ta vrisja…”