Selanik: Arrestohet 42-vjeçari për grabitje dyqani

Një 42-vjeçar është arrestuar për grabitjen me armë të një argjendarie në qendër të qytetit nga efektivët e DIAS-it.

Mesditën e datës 23/09, një sulmues, duke fshehur një pjesë të fytyrës, ka hyrë në një argjendari të vendosur në një pallat në qendër të Selanikut dhe duke mbajtur nën kërcënimin e armëve personelin, ka hequr nga vitrinë të gjitha bizhuteritë e shtrenjta. “Kapja” arrinte në rreth 8 mijë euro, tha pronari i dyqanit.

Gjatë arratisjes, pronari me ndihmën e dëshmitarëve e ka bllokuar kriminelin dhe e ka mbajtur derisa ka mbërritur policia. Gjatë kontrollit, policia gjeti dhe sekuestroi një çantë shpine me ar të vjedhur, një maskë kamuflazhi dhe një helmetë motori, si dhe një pistoletë me karikator me gjashtë fishekë, një brisk të drejtë dhe një kaçavidë.

Gjithashtu, është konfiskuar edhe motoçikleta me të cilën sulmuesi ka mbërritur në dyqan. Automjeti ishte vjedhur më parë (i listuar si i vjedhur). Gjatë kontrollit të mëpasshëm në shtëpinë e grabitësit është gjetur një orë dore, e cila po vërtetohet ligjshmëria e pronësisë.

Bizhuteritë e sekuestruara iu janë kthyer pronarëve të biznesit dhe motoçikleta, pas kontrollit nga një ekip i Departamentit të Hetimeve Kriminale të Greqisë Veriore, do t’i kthehet pronarit të ligjshëm.

Personi i arrestuar, ndaj të cilit është ngritur rasti nga punonjës të departamentit të policisë Levkos Pyrgos (Kulla e Bardhë), është dërguar në prokurori.