Hotelet me katër yje do të dalin nën çekiç

Në listën e e-ankandeve përfshihen pronat e hoteleve në zona të ndryshme turistike të Greqisë, pasi krizat e përsëritura të viteve të mëparshme kanë gjunjëzuar disa biznese të këtij sektori.

Mes tyre veçohen hotelet e mëdha, të cilat dalin në ankand me një çmim fillestar të paktën 3 milionë euro. Disa prej tyre janë duke punuar normalisht, ndërsa të tjerat janë mbyllur më parë.

Ankandi për shitjen e pronës së një hoteli të quajtur “Zenith Seaside Hotel” në zonën Gennadi në ishullin Rodos është planifikuar për datën 27 tetor. Çmimi fillestar për një hotel me katër yje është 4 860 000 euro. Eshte i ndertuar ne nje truall prej 9540 m2 dhe perbehet nga gjashte krahe dhe nje pallat qendror. Kompleksi hotelier ka 105 dhoma.

Hotel në Halkidiki – sKostoja e LESSE HOTEL është më shumë se 3,000,000 euro. Ky është gjithashtu një hotel me katër yje, i cili ndodhet në Pefkohori. Prona është në ankand, i cili do të zhvillohet më 29 shtator. Çmimi fillestar i kompleksit turistik është 3.360.000 euro. Struktura përfshin 12 apartamente. Kompleksi përbëhet nga 5 ndërtesa dhe ndodhet në një sipërfaqe prej 9,5 hektarësh buzë detit. Biznesi është ekspozuar në ankande për rreth tre vjet.

Kefalonia: ndhe kompleksi hotelier me katër yje CEFALONIA BAY PALACE është në ankand. Çmimi fillestar është 3 320 000 euro. Kompleksi hotelier ka 41 dhoma dhe 6 vila luksoze me pishinë private, d.m.th. 47 dhoma dhe 124 krevate. Prona pritet të dalë në ankand në tremujorin e parë të vitit 2024, më 13 mars.

Karpathos: Hoteli Royal Beach në Arcas ka dalë në ankand për tre vjet tashmë. Kompleksi përbëhet nga pesë godina dhe ka një kapacitet prej 56 dhomash dhe 98 shtretërish, si dhe parking dhe një pishinë 130 m2. Prona del në ankand më 2 nëntor me një çmim fillestar prej 3 milionë euro.