Një 17-vjeçar i huaj është arrestuar në lagjen Kipseli të kryeqytetit pasi ecte me automatik kallashnikov në çantë.
Policia gjatë patrullimeve që kryen rregullisht në Athinë dhe pas një telefonate dhe informacioni anonime, mesditën e së shtunës, 21 tetor, gjeti një të huaj së bashku me një 33-vjeçare vendase duke ecur përgjatë një rruge në lagjen e Kypseli. Policia ndaloi çiftin për kontroll, por djali tentoi të arratisej.
Ai nuk u lejua të shkonte larg, pasi efektivët e rendit arritën ta kapnin dhe ta ndalonin. Gjatë kontrollit, në çantën e të miturit u gjet një automatik kallashnikov me tre karikatorë dhe 140 fishekë. I riu dhe gruaja që ecnin me të janë vënë menjëherë në pranga.
Të arrestuarit janë dërguar në komisariatin e policisë Ag. Panteleimonas. Të dy të arrestuarit u sollën më pas para Prokurorisë së Rrethit të Athinës.
More Stories
Në afërsi të Tebës u gjet një plantacion kërpi me 8000 fidanë
Patras: Fëmija 7-vjeçar nuk dinte si të kthehej në shtëpi (video)
Volos: 31-vjeçari dyshohet se ka rrëfyer se ka vrarë dy mace – ai po mbahet përgjegjës