Mijëra kamionë ukrainas janë bllokuar në kufirin polak; shoferët polakë të kamionëve kanë paralizuar kalimin që nga fillimi i kësaj jave.
Ata janë të indinjuar nga “konkurrenca e pandershme nga fqinjët e tyre” dhe po kërkojnë rifutjen e lejeve të detyrueshme të hyrjes për konkurrentët e tyre ukrainas në mënyrë që të reduktojnë numrin e tyre. Transportuesit ukrainas, të cilët nuk i nënshtrohen standardeve evropiane si ato polake, mund të ofrojnë një shërbim shumë më të lirë.
Radhët në kufi sa vijnë e shtohen dhe shtrihen për 40 kilometra. Drejtuesit thonë:
“Ne hamë atë që kemi marrë nga shtëpia. Mund të bëjmë çaj ose kafe nëse dikush ka një bombol gazi. Nëse jo, atëherë hamë thatë. E shihni, ka një hendek dhe një fushë, nuk ka tualete, asgjë. Shkojmë në kufirit, për të pyetur polakët se çfarë mendojnë. Ndoshta ata paguajnë taksa për ne, ushqejnë familjet tona? Ndoshta kanë ndonjë informacion…”
Tregu ishte i rregulluar më parë, por vitin e kaluar Brukseli hoqi sistemin e lejeve për transportuesit ukrainas për të ndihmuar vendin e shkatërruar nga lufta. Por transportuesit polakë thonë se po humbasin biznesin dhe fajësojnë qeverinë për mosveprim.
Situata në kufi shënon një problem të ri në marrëdhëniet midis Kievit dhe Varshavës, të cilat janë përkeqësuar muajt e fundit, veçanërisht për shkak të mosmarrëveshjeve rreth eksportit të grurit ukrainas në Evropë përmes Polonisë. shkruan euronews.
Kujtojmë se Polonia, e cila ka pranuar qindra mijëra refugjatë ukrainas që ikin nga lufta, ka qenë një nga donatorët kryesorë të ndihmës ushtarake për Ukrainën për më shumë se një vit e gjysmë.
More Stories
Sulm me çekiç në një shkollë në Chelyabinsk (video)
Konsumatori më i madh i gazit rus do ta refuzojë atë nga viti 2025
CIA: Ukraina është lider në renditje për sa i përket vdekshmërisë dhe e fundit për sa i përket lindjeve