Kreu i Europol, Catherine de Bolle, njoftoi një rritje të krimit të organizuar në vendet evropiane.
Ajo pohon në një intervistë për revistën Spiegel se përhapja e saj është e ndërlikuar nga tendenca në rritje ndaj dhunës mes kriminelëve. Sipas de Bolle, shkruan Agjencia DPA, në Evropë “krimi i organizuar po rritet” dhe “shfrytëzon çdo dobësi”.
Kreu i Europol-it tërhoqi vëmendjen për tregtinë e drogës, e cila po rritet në Evropë dhe po nxit dhunën. Sipas Europol, prodhimi i kokainës po lulëzon në Amerikën Jugore dhe Qendrore dhe Evropa fjalë për fjalë është e tejmbushur me të.
“Situata është e rëndë”, thotë de Bolle, duke vënë në dukje se edhe trafiku i drogave të tjera po rritet. Ajo thotë se paratë e fituara nga droga në Evropë qëndrojnë kryesisht në kontinent dhe investohen në ekonomitë lokale, dhe paralajmëron:
“Kjo e bën krimin e organizuar një nga kërcënimet më të mëdha të kohës sonë.”
Sipas Catherine de Bolle, policia në Evropë ka nevojë për teknologjinë, fuqitë dhe personelin për të luftuar rrjetet kriminale dhe “nëse nuk investojmë më shumë, do ta humbim këtë luftë”.
Europol më parë kishte konstatuar se më shumë se 1/3 e grupeve kriminale më kërcënuese në Bashkimin Evropian pastrojnë të ardhurat e tyre përmes pasurive të paluajtshme. Agjencia gjithashtu raporton rregullisht për përgjimin e dërgesave të drogës nga Amerika Latine dhe çmontimin e rrjeteve të trafikut të drogës në Evropë.
More Stories
BRICS: Trump tha se sanksionet amerikane po minojnë dollarin
Lituania instaloi “dhëmbët e dragoit” në kufirin me Rusinë (video)
WSJ: Rusia mori raketa balistike nga Irani (video)