Derrat e egër që vërshojnë në detin Jon kanë shkaktuar një sensacion në internet, me dhjetëra video të postuara në TikTok dhe platforma të tjera të mediave sociale.
Banorët në ishullin e vogël Atokos në detin Jon, pranë Itakës, u ndeshën me një fenomen kurioz – një familje derrash që dilnin në plazh. Derrkucët kanë notuar pranë pushuesve, pa u frikësuar aspak prej tyre. Me sa duket vapa ka arritur te këto kafshë pylli, të cilat zbritën në ujë.
Mbetet mister sesi derrat përfunduan në ishullin e pabanuar prej 4.5 kilometrash katrorë, në pronësi administrative të Itakës dhe pjesë e kompleksit Echinadon. Ishulli është pjesë e rrjetit të ruajtjes Natura 2000 për shkak të habitatit të tij të kafshëve të rralla detare.
Ishulli Atokos është në pronësi të familjes së ndërtimit të anijeve Tsaku, anëtarët e së cilës organizojnë një tryezë në plazh të quajtur “One House Bay” një herë në vit. Në këtë plazh është e vetmja ndërtesë në ishull – Kisha e vogël e Shën Gjonit. Vetëm disa dhi bredhin lirshëm në ishullin e pabanuar. Për këto kafshë duket se kujdeset një bari që viziton ishullin çdo katër ditë si pjesë e një marrëveshjeje me pronarin aktual.
Në vitin 2015, Atokos u shit për 44 milionë euro me mundësinë e ndërtimit të një hoteli, por duke qenë se ishulli është në zonën e Natura 2000, kjo nuk është e mundur.
Kujtojmë se afër ndodhet ishulli Oxia, i cili në vitin 2013 iu shit Sheikh Hamad bin Khalifa al Thani, emirit të Katarit, për 4.9 milionë euro.
Plazhi Atokos është i famshëm për më shumë sesa vetëm festën e lartpërmendur. Vitet e fundit këtu është vendosur një tufë derrash të zinj, të cilët janë kthyer në një atraksion absolut të ishullit, pasi e duan detin dhe nuk e humbasin mundësinë për të notuar. Është për këtë arsye që plazhi tani njihet si Plazhi i Derrit grek.
Nëse jeni atje, do të keni mundësinë të notoni me derrat (jo larg tyre) në ujërat e thella blu – një përvojë unike.
Imagjinoni sikur jeni duke rrëshqitur në ujë të pastër, dhe pranë jush noton një derr i vogël, i cili me zhurmën e tij tregon se sa shumë i pëlqen uji i freskët. Nëse ka derra të tjerë aty pranë, mund të dëgjoni klithmat e tyre lozonjare. Ekspertët paralajmërojnë se është e rëndësishme të respektohen derrat dhe mjedisi. Mos i ushqeni me ushqim njerëzor ose ndonjë gjë që është e dëmshme për ta dhe kini kujdes kur i trajtoni. Derrat janë kafshë të egra, ndaj është e rëndësishme të mbani distancën dhe të mos i acaroni.
More Stories
Snacks – përfitime apo dëme, cilat ushqime mund të jenë të dëmshme
Një fermer hodhi në rrugë gjashtë tonë ullinj të gjelbër
Patras: Pezullimi i parë nga shkolla për përdorimin e smartfonit. Prindërit janë të indinjuar