Vandalë të paidentifikuar përdhosën varrin e shkrimtarit të famshëm grek Nikos Kazantzakis (1883-1957) duke thyer kryqin prej druri mbi varrin, i vendosur në bastionin Martinengo, brenda mureve të qytetit të tij të lindjes, Heraklion, në ishullin e Kretës.
Katerina Zografistou, presidente e kapitullit grek dhe anëtare e komitetit koordinues të Shoqatës Ndërkombëtare të Miqve të Nikos Kazantzakis, shprehu zhgënjimin e saj të thellë për atë që kishte ndodhur. “Vandalizmi i kryqit mbi varrin e Nikos Kazantzakis nuk është vetëm një fyerje për kujtesën e shkrimtarit të madh grek, por edhe një manifestim i mungesës së respektit për kulturën tonë”, tha Zografista për televizionin shtetëror amna. “Respektimi për monumentet tona nuk është thjesht një zgjedhje, por detyrë e jona, përndryshe nuk meritojmë as shkrimtarë të njohur dhe as monumente”, shtoi ajo.
Aristea Plevri, nënkryetar i komunës së Heraklionit për kulturë, siguroi se shërbimi teknik i bashkisë do të riparojë me shpejtësi dëmtimin e varrit. Çdo ditë vizitorë të shumtë i bëjnë nderimet Kazantzakis, autorit të veprës së famshme “Zorba greku”, duke vizituar varrin e tij.
Për momentin nuk dihen motivet e vandalizmit. Policia po heton ngjarjen për identifikimin e autorëve.
Faqja e fotove cretalive.gr
More Stories
Kretë: fermeri mori plagë të shumta me armë zjarri, një pjesë e gjuhës i është prerë
Rrufeja vret 150 kafshë në një fermë bagëtish në Etoloakarnaniya
Për herë të parë në historinë suedeze, gratë janë ndjekur penalisht për përdhunim në grup.