Një 35-vjeçare është arrestuar në Janinë për përhapjen e informacioneve të rreme për numrin e të vdekurve në Thesali.
Ajo u ndalua mbrëmjen e së shtunës, 9 shtator, nga Drejtoria e Sigurimit të Janinës në bashkëpunim me Prokurorinë Elektronike të Krimeve. Nga hetimet e kësaj të fundit u vërtetua se e akuzuara ka postuar një video në llogarinë e saj në rrjetin social ku raporton për një numër të madh të vdekjeve në një nga zonat e Thesalisë si pasojë e motit të keq të shkaktuar nga cikloni Daniel.
Organet zyrtare nuk e konfirmojnë këtë informacion. Materialet i kaluan prokurorit, shkruan CNN Greqi.
Momente dramatike vazhdojnë të përjetojnë banorët e Thesalisë pas ofensivës vdekjeprurëse të Danielit. Numri i të vdekurve ka shkuar në 15, dy persona rezultojnë të zhdukur. Ujërat në Pinios po zvogëlohen gradualisht, por tabloja është e tmerrshme: fshatra të tëra janë përmbytur nga uji me baltë, dëmtimet në infrastrukturë, bagëti, kultura bujqësore dhe elektroshtëpiake janë të pallogaritshme.
Kete mengjes HAPUR TV për makthin në Thesali:
More Stories
Në afërsi të Tebës u gjet një plantacion kërpi me 8000 fidanë
Patras: Fëmija 7-vjeçar nuk dinte si të kthehej në shtëpi (video)
Volos: 31-vjeçari dyshohet se ka rrëfyer se ka vrarë dy mace – ai po mbahet përgjegjës