Një përplasje vdekjeprurëse mes një autobusi udhëtarësh dhe një treni pasagjerësh ka ndodhur në Sllovaki, duke vrarë të paktën shtatë persona.
Një tren ndërkombëtar Eurocity që udhëtonte në linjën Pragë-Budapest përplasi një autobus udhëtarësh në një vendkalim. Të gjithë viktimat ishin pasagjerë të autobusit, i cili u nda në dy pjesë. Më shumë se njëqind njerëz po udhëtonin në tren. Si pasojë e përplasjes autobusi dhe lokomotiva kanë marrë flakë. Drejtuesi i trenit ka pësuar djegie të lehta.
Viktimat u desh të dërgoheshin në spitalet e qyteteve fqinje, pasi reshjet e dendura të shiut bënë që klinika më e afërt me vendin e tragjedisë të përmbytet. Kreu i Policisë Kombëtare Sllovake, Lubomir Solak, tha:
“Zjarrfikësit dhe shpëtimtarët nga Nove Zamky ishin të parët që arritën në vendngjarje, pastaj nga Šurani, Nitra. Në terren punuan 30 punonjës dhe 9-10 pajisje. Fillimisht u kryen operacionet e shpëtimit dhe u dha ndihma e parë. Më pas, vetëm pasi të kishim siguruar rrjetin e tensionit të lartë, mund të fillonim të shuanim zjarrin.”
Shkaku i aksidentit fatal po hetohet. shkruan euronews. Mediat lokale raportuan se vendkalimi hekurudhor ishte i mbyllur në momentin e fatkeqësisë.
More Stories
Nefteyuan vs. petrodollar: një rend i ri në tregun e naftës
Në Malajzi, një krokodil gjigant hëngri një vajzë gjashtëvjeçare
Dyshimi për virusin Marburg tek një student në Hamburg nuk u konfirmua