Tragjedi në Smirnë: babai vrau tre fëmijë të vegjël

Një baba 45-vjeçar vrau tre nga katër fëmijët e tij dhe më pas tentoi vetëvrasjen.

Një tragjedi e paimagjinueshme ka ndodhur më 27 gusht në Turqi, në rajonin e Bornovës të Izmirit. Burri, shkruajnë mediat turke, qëlloi fëmijët dhe më pas tentoi të vetëvritej për shkak të problemeve psikologjike pasi u divorcua nga gruaja.

CNN Greece Edition tregon për detajet e ngjarjes tragjike. Burri u tha fëmijëve të tij të martën në mëngjes se do t'i çonte te nëna e tyre, por i solli në një ullishte pranë zonës ku jetonin. Aty ka nxjerrë një pistoletë dhe ka nisur të qëllojë fëmijët, të cilët ranë të vdekur përtokë të gjakosur.

Vetëm vajza e tij 11-vjeçare ka mundur të shpëtojë dhe e plagosura ka ikur me vrap duke denoncuar krimin mizor te të afërmit e saj. Burri tentoi të vetëvritej me të njëjtën pistoletë, por vetëm u plagos rëndë. Aktualisht në spital si vajza që arriti të arratisej, ashtu edhe krimineli.

Policia që mbërriti në vendin e tragjedisë familjare pa një pamje të tmerrshme: tre fëmijë të shtrirë të vdekur, vajza më e vogël ishte vetëm dy vjeç.

Të afërmit thanë për mediat turke se krimineli vuante nga depresioni pasi gruaja e tij bëri kërkesën për divorc dhe pak kohë më parë i thanë asaj se së shpejti do të dëgjonte diçka shumë të rëndësishme.

Source link