Kinë: përmbytje në shkallë të gjerë, uji shkatërron shtëpi dhe ura (video)

Njëmbëdhjetë persona janë zhdukur për shkak të reshjeve të dendura të vazhdueshme që kanë goditur provincën Guangdong të Kinës jugore ditët e fundit.

Kjo është bërë e ditur nga departamenti lokal i menaxhimit të emergjencave.

Operacionet e kërkim-shpëtimit vazhdojnë. Nga të dhëna departamente, shkruan Agjencia Shtetërore e Lajmeve Xinhua, gjithsej 100,000 njerëz u evakuuan në të gjithë provincën, 36 shtëpi u shembën dhe 48 u dëmtuan rëndë. Shirat e dendur prekën shumë zona dhe qytete, duke përfshirë Shaoguan, Guangzhou, Heyuan, Zhaoqing, Qingyuan, Meizhou dhe Huizhou.

Në provincën kineze të Guangdong, një urë u shemb për shkak të përmbytjeve të mëdha. Fluturimet në Aeroportin Ndërkombëtar të Guangzhou janë anuluar. Në tre qytete, autoritetet mbyllën të gjitha shkollat.

Për të kuptuar shkallën e katastrofës, ia vlen të krahasohet: në vitin 2016, PBB-ja e provincës kineze me popullsi të dendur të Guangdong tejkaloi PBB-në e të gjithë Rusisë.