Një vajzë 17-vjeçare dhe partneri i saj 22-vjeçar u gjendën në një situatë të rëndë pasditen e së martës në plazhin Freatida në Pire, kur u vunë në shënjestër të një bande prej katër egjiptianësh të moshës nga 17 deri në 19 vjeç.
Duhet theksuar se emigrantët egjiptianë jetojnë në një strehë refugjatësh në rajonin e Omonias dhe Pireut, dhe njihen për sjelljen e tyre kriminale në qendër të Athinës dhe periferitë jugore, ku ditët e fundit kanë bastisur, vjedhur celularë. para në dorë dhe çdo send tjetër me vlerë që gjendet.
Katër egjiptianë sulmuan burrin dhe të dashurën e tij në mënyrë të koordinuar. Fillimisht i kanë gjuajtur me gurë për ta frikësuar dhe në të njëjtën kohë dy prej tyre kanë kapur vajzën. Ata i mbajtën duart dhe filluan ta zhveshin për ta përdhunuar. Për ta mbajtur në distancë të dashurin e kanë kërcënuar me gurë në duar duke i thënë se “nëse afrohet do t’i thyejnë kokën”.
Sipas një prej dëshmitarëve okularë, “katër të huajt humbën vetëkontrollin dhe kontrollin mbi veprimet e tyre, u bënë shumë të rrezikshëm”. Një djalosh 15-vjeçar, i cili po shikonte dhe erdhi me vrap për të ndihmuar, u sulmua dhe një nga anëtarët e bandës egjiptiane tentoi t’i vidhte celularin, njësoj si vajza e dhunuar. Adoleshenti është rrahur me grushte dhe shkelma. Ata madje u përpoqën ta prisnin me një kanaçe dhe një shishe birre të thyer.
Dëshmitarët okularë kanë denoncuar në polici dhe pak minuta më pas në afërsi të Pireut ka nisur gjueti për katër huliganë me qëllim gjetjen dhe arrestimin e tyre. Dy prej tyre u ndaluan pranë plazhit të Freatidës. Ata raportuan se bashkëpunëtori i tyre i tretë ishte arratisur në një strehë për të huajt në Pire dhe një autor i katërt ishte arrestuar jo shumë larg atij vendi.
More Stories
MB: miratohet ligji i diskutueshëm për deportimin e emigrantëve në Ruandë
Kaos në Paris për shkak të demonstratave afgane
Pse vetëm disa refugjatë ukrainas në Gjermani gjetën punë (video)