Sulm racist ndaj dërguesit të ushqimit. Ai është rrahur rëndë nga drejtuesi i makinës. Vetëm falë ndërhyrjes së kalimtarëve u arrit të shmangej më e keqja.
Viktima është një 36-vjeçar, punëtor emigrant.
Sulmi ndodhi të hënën e 22 prillit rreth orës 22:30, ndërsa një punëtor migrant po shpërndante ushqim në zonën Agios Dimitrios në jug të Athinës.
Sipas ankesës së Lëvizjes kundër Kërcënimeve Raciste dhe Fashiste KEERFAviktima ka qenë duke lëvizur me motoçikletën e tij kur drejtuesi i një makine Smart të bardhë me fenerët e fikur i ka prerë rrugën.
Kur viktima i bërtiti: “Ndizni fenerët!”shoferi doli nga makina dhe sulmoi punëtorin duke bërtitur: “Një djalë pakistanez erdhi për të ndezur fenerët e mi? F*ck Pakistan, F*ck nënën tënde” dhe filloi të rrahë brutalisht viktimën.
https://www.facebook.com/reel/853936566772660
Ndërhyrja e kalimtarëve ka parandaluar më të keqen, pasi kalimtarët kanë vërejtur se shoferi mbante me vete një thikë, transmeton KEERFA.
Policia me motoçikleta mbërriti 15 minuta pasi krimineli u largua. Por detajet e makinës së tij, si dhe video incizimi i janë dorëzuar policisë tashmë në vendngjarje.
Korrieri paraqiti një ankesë në departamentin e policisë kundër dhunës racore.
KEERFA dënoi sulmin në dukje racist dhe tha në një deklaratë se shoferi me sa duket ishte i trajnuar në boks.
“Ky sulm racist nuk është një incident i izoluar, por pjesë e një rritjeje më të madhe të sulmeve, veçanërisht kundër punëtorëve migrantë.” – shtoi KEERFA.
More Stories
Djali në duart e të cilit shpërtheu fishekzjarrë është dërguar në spital
Ngjarje e pabesueshme në Korfuz: një enë balte i ka rënë në kokë një gruaje
Mesditën e së Shtunës së Madhe, një 41-vjeçar nga Gjeorgjia u qëllua për vdekje në rrugën e Selanikut (video)