Shumica e emigrantëve që ndodheshin në ishujt pa emër në lumin Evros, u nxorën me ndihmën e autoriteteve turke, siç bëri të ditur ministri për Mbrojtjen e Qytetarëve, Charalambos Lalousis.
Sipas një raporti të OJQ-ve, rreth 330 emigrantë të paligjshëm kaluan nëpër ishull. “Në ditët e fundit kemi marrë shumë masa. Nuk do të veprojmë më si në 2020”, tha Lalusis.
Ministri i Jashtëm në detyrë Vassilis Kaskarelis ka zhvilluar mbrëmjen e së martës një bisedë telefonike me ministrin e ri të Jashtëm turk, Hakan Fidan, gjatë së cilës është ngritur çështja e migracionit të paligjshëm.
Hakan Fidan thuhet se shprehu synimin e Turqisë për të ndërmarrë iniciativa për të kontrolluar flukset e migracionit në Greqi. Sipas të njëjtave informacione, pas një bisede private mes dy ministrave, pala turke ka dërguar një notë ku përshkruhen masat që synon të marrë për këtë çështje.
Burimet mediatike thanë se pas një bisede telefonike mes Kaskarelis dhe Fidan, forcat greke zbuluan se varkat i ishin afruar ishullit dhe ushtria turke ftoi emigrantë të paligjshëm të hipnin. Disa prej tyre hipën në bord, por numri i saktë nuk dihet.
Burime qeveritare e interpretojnë iniciativën e autoriteteve turke si shprehje të vullnetit të mirë. Në çdo rast, autoritetet greke janë vigjilente për të përballuar çdo incident, shtojnë të njëjtat burime.
More Stories
MB: miratohet ligji i diskutueshëm për deportimin e emigrantëve në Ruandë
Kaos në Paris për shkak të demonstratave afgane
Pse vetëm disa refugjatë ukrainas në Gjermani gjetën punë (video)